أخر الاخبار

ازاى اشترى بطيخه تكون حمراء ومرمله ومسكره

اكيد الكل عاوز يعرف طريقه مضمونه يقدر يشترى بيها بطيخه تكون حمراء ومرمله ومسكره
اولا فكره انك تلاقى بطيخة مش حمراء دا بقى نادر جدا لان كل البطيخ الان اصبح احمر بعد عمليات التهجين الكثيره التى تمت عليه
ولكن المشكلة كلها هل البطيخة مرمله و مسكره ولا لأ
عشان كدا لما تشترى بطيخه متهتمش بس انها تكون حمراء لان فى بطيخ احمر كتير ولكن مش مسكر
طيب ازاى اشترى بطيخه تكون حمراء ومرمله ومسكره

1- اول فرق هايكون عرقوب البطيخه 

 او بمعنى اخر مكان قطف البطيخه من شجرة البطيخ وهايكون فيه البطيخة المسكره عرقوبها ناشف وصغير وداخل لجوه ودا علامه على استواء البطيخة جيدا اما البطيخة اللى مش مسكره بيكون عرقوبها او المكان اللى بتتشال  كبير وبارزواخضر ودا دليل على عدم النضج ووعشان كده مش هاتكون مسكره
ودى صورتين للتوضيح
بطيخة حمراء ومسكره عرقوبها صغير ومش بارز

بطيخة مش مسكره لان عرقوبها بارز وكبير

 2- يوجد جزء فى البطيخه من الخارج يكون لونه ليس بالاخضر ويميل للابيض كلما كان هذا الجزء صغير فى البطيخة كلما كانت البطيخة مسكره ومرمله ومستويه واخر حلاوه
زى اللى فى الصوره
كلما صغر الجزء الباهت كلما اصبحت البطيخه مسكره
3- اشترى البطيخ اللى حجمه صغير او متوسط لانه بيكون مستوى واحمر ومرمل ومسكر وابعد كل البعد عن

 البطيخه اللى وزنها اكتر من 6 كيلو
4 - اشترى البطيخ فى الموسم بتاعه وغير ذلك مش بيكون حلو
5-  عند الخبط على البطيخة من الخارج سوف تسمع صوت حاد زى رنه خفيفه دا بيكون صوت البطيخ المسكر المرمل
اما البطيخه القرعه اللى مش مسكره بيكون الصوت مكتوم
6- لا تشترى البطيخ ذو القلب الاجوف ودا بنعرفه من حجمه ووزنه يعنى انك تشوف بطيخة كبيره وفى الاخر لما تزنها تلاقى الوزن قليل بالنسبة للحجم دى بتكون بطيخة جوفاء 

ازاى اشترى بطيخ مسكر واحمر

تعليقات



    حجم الخط
    +
    16
    -
    تباعد السطور
    +
    2
    -